Tuesday, September 27, 2011

[Poem] Your Silence Says It All

Your Silence Says It All
Poem #339
Written 26.9.2011


One word from you is enough,
To make nothing seems tough,
A simple touch makes me fly,
Making all my tears run dry…

You say everything with a look,
Replacing kindly any pain I took,
With your tender soft smile,
That makes my life worthwhile…

You needn’t sing or write for me,
You needn’t compose a melody,
You rock my world and my soul,
With your silence, that says it all!

You’re precious the way you are,
So, please, don’t keep us that far,
I need you and you already know,
There’s much love I want to show…

I won’t ask anything else from you,
I’m already over the moon with you,
And if you ask about a love so true,
It’ll simply be my crazy love to you…

---------------------------------------------

© Evronia Azer, 2011. All Rights Reserved.

Saturday, September 24, 2011

[Poem] I’m Afraid

I’m Afraid
Poem #337
Written 24.9.2011

I’m afraid to let my feelings grow,
I keep hiding the love I can’t show,
I’m afraid you’ll reject my heart,
And that I’ll eventually fall apart…

There’s nothing to prepare me,
To bear so much hurt inside me;
In case you gently turn me down,
My life will surely be upside down…

There’s so much for me to tell you,
Many things that I see about you,
Your soul; what your gentle eyes hide,
And I fear that our dreams may collide…

I see you as my future man, so whole,
So gentle, caring, shining above all,
Your heart is simple, but your mind,
Hides a mentality I will never find!

You fill up the missing parts in me,
I am now facing the world happily;
You know how to make me smile,
Finally my life is now worthwhile!

I know I can fight so hard for you,
If only you give me a chance to,
I’d give up all my dreams for you,
If only I have you, so will you?


---------------------------------------------

© Evronia Azer, 2011. All Rights Reserved.

[Poem] More Than What I Ask For

More Than What I Ask For
Poem #336
Written 24.9.2011

Inspired by the song: I'm a Better Man – by Engelbert Humperdinck


I was reborn the minute I saw you,
I knew my life would change with you,
My days are brighter with new hope,
I’ve nothing, with which I can’t cope;
I can bravely stand up to all my fears,
I have hope to live for, for years,
Feeling that no matter how long,
Together we’ll always remain strong…
There’s nothing else I can hope for,
You’re even more than what I ask for,
My life and being are my gifts to you,
We’re now one and no longer two!
---------------------------------------------

© Evronia Azer, 2011. All Rights Reserved.

Thursday, September 22, 2011

[Poem] If Only You Love Me

If Only You Love Me
Poem #335
Written 22.9.2011


I know there is a lot I can do,
I can beat all what I go through,
I can make all dreams come true,
If only you love me…

From your pure heart, I gain joy,
You smile innocently as a little boy,
You’ll give me a super life to enjoy,
If only you love me…

With you, I’ve found all my cures,
For me, there’re no closed doors,
My heart is a happy slave of yours,
If only you love me…

I wish to tell you every single day,
That I want you forever to stay,
I will know God listens as I pray,
If only you love me…
---------------------------------------------

© Evronia Azer, 2011. All Rights Reserved.

Friday, September 16, 2011

[Poem] With You, I’m a Little Child

With You, I’m a Little Child
Poem #334
Written 16.9.2011


When I’m with you, I’m a little child,
I like to let my imagination go wild,
I laugh, run, and forget everything,
Hold you close to me and softly sing…

I feel no longer old, worried, unhappy,
Knowing your shoulders can carry me,
Believing that your smile is my rescue,
And your pure heart is my virtue…

I could let go of my world for you,
Sacrificing it all is the least I can do,
Having you with me means that I,
Have no limits; I can reach the sky!

You give me more than I ask for,
With your love, there’s always more,
So I don’t care about the rest,
Because I already have the best!

---------------------------------------------

© Evronia Azer, 2011. All Rights Reserved.

Thursday, September 15, 2011

[Poem] As I Drowned Thinking of You

As I Drowned Thinking of You
Poem #333
Written 14.9.2011


As I drowned thinking of you,
A far dream seemed true,
I felt shivers all over me,
Like having you with me…

My heart ached for you,
For I madly needed you,
I missed your tenderness,
Your angelic gentleness…

You’re the one I waited for,
To heal a heart that tore,
To unleash so much love,
More than you thought of!

There’s so much to tell you,
And even more to give you;
You’re my only safe shores,
My world is eternally yours…
---------------------------------------------

© Evronia Azer, 2011. All Rights Reserved.

Monday, September 12, 2011

[Poem] Rollercoaster

Rollercoaster
Poem #332
Written 12.9.2011


Riding a rollercoaster, you make me feel so!
I sometimes let my feelings for you grow,
It’s when life feels adventurous and sweet,
And I’m flying, laughing, swept off my feet!

But then your heart gets suddenly cruel,
Making me feel completely like a fool,
Who’s been wrong and blind all the way,
Feeling you’ve never loved me for a day!

It’s when the rollercoaster crashes down,
And I am accompanied by a sad frown,
Fearfully grasping, unable to ride up again,
Coz all my innocent hope was turned in vain!

Then from my illusions I get awakened up,
As my life’s rollercoaster rises to go up,
I realize, in the first place, I’ve never had you,
I only dream so, to be able to live through…
---------------------------------------------


© Evronia Azer, 2011. All Rights Reserved.

[Poem] My Legacy

My Legacy
Poem #331
Written 12.9.2011

I always think about what I'm leaving behind...I always think about my legacy...

I could die today, maybe now,
I always think, I don’t care how,
What will I leave behind me?
How will people remember me?
What have I done good and bad?
In life, was there what I could add?
Have I stood by the ones I love?
Have I been loved and thought of?
Was I selfish? Have I given enough,
To anyone whose life was tough?
Have I helped without being asked,
Stood by till rough times passed?
Did I bring joy to anyone’s heart?
Was I usually keen or smart?

I still wonder if I deserve any tears,
If I’ll be remembered for years,
If everyone I loved silently will know,
That there is a lot I wanted to show,
That I always wanted to do more,
And finally, have someone to die for…

---------------------------------------------


© Evronia Azer, 2011. All Rights Reserved.

Saturday, September 10, 2011

ليلة سقوط سي السيد – الجزء الرابع: مش كلكم سي السيد


ليلة سقوط سي السيد 



الجزء الرابع: مش كلكم سي السيد




بصوا يا رجالة مجتمعنا الاعزاء.. احنا مش داخلين حرب.. انا مش باهاجمكم.. انا باهاجم بصراحة ووضوح: سي السيد، و من هو ضد سي السيد ليس ضد الرجال جميعا







ما هي مواصفات سي السيد؟

سي السيد هو الشخص الذي يتمتع بأحد هذه الصفات أو اكثر:

-        متحكم في البنت تماما  وفي جميع مواعيد نزولها وخروجاتها وعلاقاتها وانشطتها والذي منه، وحتى نوع المواصلات اللي بتركبه، كأن مكانش ليها أهل يربوها ويخافوا عليها قبل ما ترتبط بيه: يعني يتصل بيها وهي بره يشخط له شخطتين كده: اتأخرتي ليه؟ مش انتي قلتي جاية الساعة 8؟ دلوقتي الساعة 8وخمسة!
-        غيرة عمياء وحب امتلاك... مثلا يقول لها: اهلك اهلا وسهلا بيهم بس مايطولوش، صحابك دول مش عاجبينني، ماتبوسيش خالك وعمك وانتي بتسلمي عليهم، ...
-        مؤمن ان البنت اتخلقت عشان البيت والخلفة والباقي امور تافهة، فالمرأة هي كائن مرزوع في البيت لتربية العيال.. فمثلا يبدأ يقول شعر في قد ايه اهم حاجة للست هي عيالها، وانها لازم تضحي عشانهم على طول الخط.. طب وسيادتك؟ ماتضحي انت كمان ولا ايه؟ وبعدين ماهي فاهمة كل التضحيات دي كويس ولو انت واثق انها قد المسئولية، عمرك ما هاتحتاج تقول لها الكلام ده وتحسسها انها دون المسئولية!
-        مش بيمد ايده في شغل البيت لأنه باشا ومتربي ع الدلع.. مثلا: امه وابوه واخواته البنات كلهم بيعاملوه على انه الكينج ومش معقول هايقوم اسم الله عليه يجيب لنفسه كباية مياه، اصل على رجله نقش الحنة...
-        بيؤمر ويشخط عشان يطاع... لأنه بيقول كلام مش منطقي، فالحل الوحيد في النقاش معاه انه يشخط، عشان يقرف اللي قدامه فتقول له حاضر عشان "المركب تمشي" وتكبر دماغها والشيطان مايدخلش والكلام الفاضي ده.
-        ممكن يقول للبنت انا عايز اتجوز خدامة ويضحك لأن ماعندوش دم.. فشايف انه لما يقول للبنت كده هي هاتبقى عايزة تريحه اكتر واكتر، تحت مسمى"الحب"، وكم من جرائم ترتكب باسمك ايها الحب!
-        دموع البنت بالنسبة له لا تعني شيء.. المهم كلامه يتسمع.. هايسيبها تعيط، وماله، يقول لها: انتي بتعيطي كتير على فكره وانا مش كل ما اكلمك تعيطي.. ده بدل ما تحس على دمك يا اخي؟ المفروض تحس ان كل دمعة منها سيف يقطع في قلبك، وتشوف هي ليه بتعيط اساسا!
-        أناني، مستقبله فوق راسك وانتي مستقبلك تحت رجليه.. بحجة ان هو الراجل والمسئول عن مصاريف البيت.. ده على اعتبار انك مش بتساعديه في المصاريف، ولا انك بني ادمه ومن حقك يكون عندك طموح!
-        بيقنع الست انها لما تطيعه على طول الخط فهي بكده بتنفذ أوامر دينها بغض النظر هي دينها ايه اصلا...بس يا عمنا انت مفيش أي حاجة في الدين تخلي الست في مرتبة أدنى من الرجل لأن ربنا عادل بين كل البشر، ستات ورجالة! انتم بس يا صنف سي السيد ياللي بتحبوا تفسروا الدنيا على مزاجكم عشان الستات تسمع كلامكم بدون نقاش بحجة انها كده بتسمع كلام الدين!
-        الخ!

الشاب المصري فعلا ظروف الجواز صعبه بالنسبه له والمجتمع بيحمله كتير.. والبنت كمان بتنتظر منه كتير.. بس كل ده مالهوش دعوة بسي السيد..سي السيد هو طبيعة في الرجل... هو داء أورثه المجتمع في تربيته للولد، وفي نفس الوقت، التربية دي حطت البنت في مكان الكائن الضعيف أبو جناح مكسور، بتطيع سي السيد لأنها ماتعرفش تعمل حاجة غير كده، مقتنعة انها بكده هاتبقى سعيدة في حياتها...


الحملة بقى اللي عملها الباشمهندز جون عصمت، صاحب مدونة "عصموتي"، ضد حملتي ضد سي السيد، مش موجهة للمواصفات اللي فوق.. اعتقد إن أي ولد أو بنت "عاقلين" المفروض يكونوا ضد المواصفات اللي فوق.. لأنه حسب كلام الباشمهندز برضه إن: " برمجة الانسان اللى ربنا خلقها فيه بالنسبة لموضوع الجواز مش بتستقر الا بالمشاركة المتساوية تماما بين الطرفين، يعنى الراجل مش هيكون مرتاح اصلا لو زوجتة مش مشاركاه حياته بشكل متزن بدون قهر، غير كده بيكون حاسس إن فيه حاجة ناقصة و ده يدفعوا للمزيد من القهر وبرضه مش بيرتاح، لو عرف الراجل إن كل ما يقدّر و يحترم زوجته كل ما إتزانه و إشباعة النفسى والجنسى يزيد كان كل الناس عملت كده..."


في آراء مستنيرة تانية برضه وصلتني كرد على الأجزاء اللي فاتت عن سي السيد، إنه الأهل بيربوا الولد على انه المسيطر عشان هو اللي بيصرف وده دوره الرئيسي، والبنت اتربت عشان يتجوزها واحد، وكل ما الولد يدفع اكتر، كل ما فرصته للفوز بالبنت تكتر... فالراجل بيحس إنه هو اللي عليه كل الضغوط وإنه بيطلع عينه عشان ينجح العلاقة دي اصلا.. وده بيديله مبرر للسيطرة...(مبرر في عقله المريض فقط لا غير)!

في رأيي الغلبان، مفيش أي مبرر يدفع شخص للتحكم بآخر .. وموضوع ان ربنا خلق كل واحد ليه دور في الدنيا، فالكلام ده مش بينطبق بس ع الست والراجل، لا على كل فرد في الدنيا، ولو ربنا خلق كل البشر بيعملوا نفس الحاجات وعندهم نفس الامكانيات، مكانش حد احتاج لحد، ولا لأصدقاء ولا لارتباط! في حالة الراجل والست بقى، لازم أدوارهم تكون بتكمل بعض، كل واحد بقى عايز يعمل ايه، يبقى يتفقوا مع بعض... كله بالاتفاق مش بالخناق، ومفيش حاجة منزلة بتقول الست مكتوب عليها تعمل كذا، وكذلك الحال بالنسبة للراجل.. تمام؟

نرجع تاني لكلام جون عصمت في مدونته.. بيقول :
المرأة الحكيمة تعرف طباع زوجها الشرقى،  تعرِف أن تبدأ بالخضوع فتشبع إحتياج مباشر ليعطيها هو أيضا خضوعا فى المقابل بعدما تأكد من مكانته عندها فيصبح خضوعهما متبادل، تعرِف مبدأ يسمى بـ "حاضر، لكن" تعرف مبدأ سقراط فى الإقناع..الذى يعتمد على الاسئلة المرتبة و المتدرجة بحيث تصعد بالإجابات لهدفها المنشود..مثل: حاضر..لكن ألا ترى انه لو فعلنا ذلك محتمل حدوث كذا و كذا؟و فى هذه الحالة هل ستكون راضى ام لا؟ و إذا حدث ذلك هل سنكون خاسرين او رابحين؟ هل ترى هذا الحل مفيد حقا ام توجد بدائل؟ ....فتدفعه دفعاً ليقول الحلول من فمه..و هذه الطريقة صالحة و فعالة للاقناع...هل ترى إنى ألقيت بكل المسئولية على المرأة؟ 

ايوه!! سي السيد مش بينفع معاه اسئلة.. ويسيبك تتناقش لغاية ما في الاخر يقوللك المركب ام ريسين تغرق، وانا الريس، انا اللي اقول، وكلامي يتنفذ!! الشغل اللي انت اتكلم عنه جون ده اسمه: ديبلوماسية في الحوار، وده مابياكلش مع سي السيد وأمثاله..وده نفس الرد للي بيقولوا على البنت انها لو ذكية هاتخلي الراجل يعمل اللي هي عايزاه وهو مش حاسس! لأن انت كراجل لو ماعندكش استعداد تتقبل الآخر كشريك حياة ومصّر انك تعيش حياتك بسيطرة مرضية، عمر ما الست الغلبانة هاتوصل لك وجهة نظرها في أي حاجة أو تخليك تعمل حاجة مش على مزاج معاليك...

المهم ان الباشمهندس جون بيقول كلمتين حلوين في الآخر:
الرجل الناضج هو القائد الخادم، القائد الحنون، بل و القائد الجماعى الذى يعلم أن بمشاركته أمور الحياة مع زوجته يصبح أقوى و أحكم و بالضرورة أسعد..يعلم الحقيقة العجيبة أنه كلما إحترم شريكة حياته و ساعدها أن تكون شريك مساوي له تماماً، كلما زادت سعادته و قلت ضغوتهما النفسية..فقط لندرس إحتياج الآخر مع الاحتفاظ  بالادوار

الأدوار دي بقى نختلف أو نتفق عليها، دي شغلة كل واحد وشريك حياته..


اشكر كل المناقشات الهادفة  اللي تمت معايا حوالين اجزاء سلسلة سي السيد السابقة واللي اقتبست منها العديد من الافكار اللي باكتب عليها، وشكرا لكل سي السيد بنشوفه في الدنيا بيوحي لينا اننا ننتقضه ونقرفه في عيشته...

واخيرا، عزيزتي حواء، عليكي أن تكوني سريعة التصرف في حال اكتشفتي في شريك حياتك مواصفات سي السيد اللي فوق، المقشة عندك، واللي ربنا يقدرك على فعله بقى ياختي..وده مش تحريض ع العنف لا سمح الله! قلبي عندك بقى يا ست أمينة!

 المرة الجاية نتكلم عن المركب أم ريسين...وربنا يستر علينا...


تابع سلسلة سي السيد كاملة

Wednesday, August 31, 2011

[Poem] No Reason for Me to Love You


No Reason for Me to Love You
Poem #330
Written 31.8.2011


There was no reason for me to love you,
It seemed my heart needed a rescue,
I must have been foolish and blind,
To have ever had you on my mind.

At first, you tried to win my heart,
I thought you were sweet at the start,
But quickly you turned into a freak,
Seeking control, making me feel weak.

You were never my dear close friend,
I was someone you cared to offend,
My sacrifices meant nothing to you,
You oppressed and hurt me too…

I never want to hear your name,
Life without you is never the same,
I am glad you’re gone, I’m now fine!
My being is whole and fully mine…


---------------------------------------------


© Evronia Azer, 2011. All Rights Reserved.

[Poem] Flying Once More

Flying Once More
Poem #329
Written 30.8.2011

I barely know you, but I miss you,
You make me think about you;
With few words, you captured me,
And my heart suddenly became free,
I am now hopeful; I’ve a new dream,
I want to follow this tiny light beam,
It’s like I’ve known you for so long,
It’s weird, but don’t get me wrong,
My young wings got broken before,
But now I feel I’m flying once more,
I have many feelings deep inside,
And I won’t hide them with pride,
I’ll bravely tell you that I like you,
Hoping you will say the same too…


---------------------------------------------


© Evronia Azer, 2011. All Rights Reserved.

[Poem] You're My Romance

You're My Romance
Poem #328
Written 30.8.2011

I don’t want to fall asleep when you’re here,
I want to stare at you all night, and stay near,
You’re my unspoken dream; my fairy tale,
My solid proof that love will never fail,
You’re the ultimate relief from my pain,
My peaceful prayer that keeps me sane,
You’re my romance, when the night falls,
You’re my poetry; the love I write is yours,
You’re the heavenly melodies angels sing,
The best gift God would ever bring…


---------------------------------------------


© Evronia Azer, 2011. All Rights Reserved.

[Poem] Don't Be Scared

Don't Be Scared
Poem #327
Written 30.8.2011

Don’t be scared to move closer to me,
Don’t be scared to set your heart free,
There’re a lot of feelings we can share,
There’s a life for us together if we dare…
My world smiles when you think of me,
My heart trembles when you speak to me,
Life looks brighter when I’m with you,
All illusions of perfection sound true,
Because you’re so simple and whole,
And in your love, you’re making me fall,
I won’t prevent myself, I want to love,
I’ll give you everything you’ve dreamt of,
And in return I’ll keep dreaming of you,
Wishing that one day, I’ll have you!



---------------------------------------------


© Evronia Azer, 2011. All Rights Reserved.

[Poem] Having You

Having You
Poem #326
Written 30.8.2011


And there you were… standing,
As charming as I’ve never seen,
On you, all sights were landing,
Being yours meant I’m the queen!

I could envy myself for having you,
I could do anything to show them,
That I’m the girl, who’s won you,
I smiled to show how proud I am.

Amid the crowds, I felt unique,
I felt shining, I was so excited,
To others I didn’t care to speak,
You’re my reason to be delighted.

I slowly moved to get to you,
“Now I can hold you, they’ll know!
Finally I can share my love to you,
And to the world I can show!”

But you looked strangely at me,
Like you’ve never seen me before,
Have you decided to leave me?
Won’t there be “us” anymore?

I couldn’t stand it, my tears rolled,
Your tender arms were tempting,
I fell in them, but… You were bold!
You let me fell, on the floor, fainting!

It’s me! The one who longed for you!
I was half conscious, couldn’t speak,
They took me away, how could you,
Let them think your love is a freak!

Maybe you didn’t know me well,
But I’m the dreamer created for you!
You’ll one day regret this rebel,
Seeking the only love that was true…

You’ll love someone but you’ll miss me,
Not knowing what you could’ve had,
Your happiness was enchained to me,
And both our lives will turn so bad…




---------------------------------------------


© Evronia Azer, 2011. All Rights Reserved.

Tuesday, August 23, 2011

ليلة سقوط سي السيد – الجزء الثالث: اديها بالشبشب وادبحلها القطة


ليلة سقوط سي السيد 



الجزء الثالث: اديها بالشبشب وادبحلها القطة


ملحوظة وجب التنبيه عليها: انا في الجزء اللي فات ماعممتش اني باتكلم عن كل الرجالة، أنا ذكرت صراحة اني باتكلم عن نوعية الرجالة اللي زي سي السيد وده مش تعميم، وكذلك الحال في كل كلامي من هنا ورايح، مفيش تعميم لا على الرجالة ولا على الستات، دايما في ناس كتير محترمة وفاهمة الدنيا وعايشاها صح، ودايما في الساحرة الشريرة، وفي سي السيد وشبشبه اللي هانتكلم عليه النهاردة.


الولد بيخاف لاحسن البنت تتمرد عليه، وهو مش عايز وجع دماغ، وعايز الدنيا تمشي زي ما هو عايز بالسنتي.. ففي رجالة كتير تقوللك: لا يا عم، دي شكلها متمرد وثورجية وانا مش ناقص ثورة في البيت، هي زكية وكل حاجة بس مش للجواز..

انها فوبيا التمرد.. سي السيد خايف لاحسن أمينة تتمرد عليه، فبيجهز شبشبه يخوفها بيه  ويدبحلها القطة من أولها زي ما بيقولوا.

لا يا سي السيد ماتخافش، البنت الثورجية مش هاتعملك مظاهرة في البيت... هي مش داخلة حرب! ده جواز، يعني حب ومودة وعطاء وابتسامة ورومانسية ونهنهة ودلع وعيال وبامبرز وطبيخ وغسيل هدوم سيادتك، الخ.

البنت المستقلة النشيطة الثورجية مش لازم تبقى شخصية مسيطرة في البيت، لكن هي شخصية بترفض الوضع الغلط في اي مكان في المجتمع... وكل بنت جواها ناحية طيبة (ده لو كانت طيبة مش عاملة زي الساحرة سونيا) وحنونة بداخلها، وهي دي الناحية اللي الراجل محتاج يتعامل معاها في الجواز، وبالتالي هو مش محتاج يدبحلها القطة او يديها بالشبشب قبل ما يتجوزها عشان تاخد على انها خدامة وهو يبقى متطمن ويلغي تماما مبدأ انها تعترض على أي حاجة، ولكنها محتاجة منه انه يفهمها كويس ويراعي مشاعرها، وهي كمان على قد ما هو هايعمل معاها كده، هاتعمل معاه أضعاف وتخليه ملك. البنات دول غلابة صدقني، كلمة توديهم وكلمة تجيبهم...

وبالتالي عزيزي سي السيد، لو في بنت ناجحة ونشيطة وواثقة ف نفسها وقيادية في شغلها وذات رأي ومواقف ايجابية وحازمة، ده مش معناه انها هاتبقى كده في البيت وتبقى عايزة تمشيك على مزاجها (إلا لو هي وضحتلك ده صراحة وعلناً)، هي مش عايزاك تديها بالشبشب، وف نفس الوقت لو هي انسانة سوية، هاتبقى فاهمة يعني ايه شراكة حياة، ان كل حاجة بينكم تكون مشتركة بحب. القيادة والايجابية والنجاح في شخصية أمينة صفات لا تتعارض مع التواضع والبذل والخضوع اللي بييجي مع الحب.

البنات – والمفروض اي شخص عاقل – مش بيحبوا يزعلوا الانسان اللي بيحبهم، وبالتالي، انت لو خايف انها تعلن عليك العصيان من غير سبب مقنع، فخوفك مش في محله، فهي عمرها ما هاتحبك وفي نفس الوقت تعمل حاجة تضايقك، بالعكس، هي هاتقدم تنازلات عشان ماتزعلكش، بس في نفس الوقت انت برضه لازم تحترمها وتقدر نجاحها وتقدم تنازلات تريحها.. يعني من الآخر العلاقة متساوية من الناحيتيين، مفيش حد بيدي أو ياخد أكتر من التاني.

في فكرة تانية بتقول انك لما تلاقي الانسان المناسب، هاتبقى عايز تطيعه وتسمع كلامه، لأن هو ده الحب، ان كل واحد يخضع للتاني ويخاف على زعله. وهو ده المفهوم الصح للخضوع مش المفهوم المَرَضي المنتشر في المجتمع الذكوري الشرقي اللي احنا عايشين فيه: ان الراجل هو دايما على حق والست مش من حقها تعمل حاجة غير انها تحرك شفايفها عشان تقول حاضر والا نزل عليها شبشب سي السيد طراااخ.

التحكم في المرأة موجود في كل الطبقات الاجتماعية، كنت بافتكر ان كل ما الواحد يبقى متعلم أكتر ومثقف، يبقى تفكيره راقي وبيعامل الست اللي معاه برقي، بس الغريب مثلا لما تلاقي الراجل متعلم أو في مركز اجتماعي أو مهني مرموق، بيخاف على صورته الاجتماعية أكتر فيبدأ يجيله فوبيا التحكم في شريكة حياته اكتر واكتر عشان ماتخرجش عن طوعه وتبوظله شكله الاجتماعي، وخصوصا لو عنده نقص، يبقى عايز يحس ان اللي معاه دي تحت طوعه اكتر وإن مفيش اي حاجة تحصل بدون اذنه، حتى لو الحاجة دي ماتخصهوش اساسا!

المهم ان أنا فتحت الموضوع ده مرة على تويتر، والحمد لله رجالة كتير أسوياء ردوا عليا وقالوا انهم بيقدروا نجاح البنت والذي منه... سألت: طب ليه في بنات على الساحة السياسية كتير مش متجوزين؟ هل السياسة بتعيب البنت ولا الرجالة هي اللي مش بتتقبل البنات بتوع السياسة اللي بيقولوا عليهم نشطاء دول؟ ولا يمكن عشان الراجل بطبعه ديكتاتور ومش بيتقبل أي ست متفوقه عليه في أي حاجة؟ طبعاً مش كل الرجالة كدة، بس في كتير مش بيحبوا الستات تتفوق عليهم ويكون ليهم آراء وشخصيات ونشاطات مستقلة، وعلاقات عامة طبعا، ويا ويلها لو كانت العلاقات دي مع رجالة بهدف شغل اجتماعي مشترك!  وطبعا تبدأ اسطوانة: انتي فاكرة نفسك هاتتجوزي وتسيبي العيال في البيت عشان تنزلي مظاهرة؟ الحاجات دي للبنات اللي مالهاش أهل! طب يا عم الحاج هو لو واحد بيحب بلده ده مقصور على ناس ناس يعني؟ وبعدين هو انت فاكر ان المظاهرات هي الشكل الوحيد للعمل السياسي؟ ما في ناس كتير مؤثرة في الساحة السياسية بطرق تانية كتير غير المظاهرات لو مش بيقدروا ينزلوا لسبب أو لآخر، ده غير انه المظاهرات مش عيب، ومش للبنات اللي مالهاش أهل، وإلا كان زمان مبارك قاعد في ارابيزك لحد دلوقتي!

في رأيي المتواضع إن البنت القيادية الناس بتحب تتعامل معاها، بس من بعيد لبعيد، ساعة الجواز، يجيلها اللي يقمعها ويربيلها الهسهس، طب ما تستغل قيادتها في حاجة كويسة وتمشوا المركب سوا سوا، ولا لازم تمارس مهام سي السيد لأنها مرض مزمن وراثي من أيام أبو الهول؟ أيوه هو وراثي، بعض الردود من على تويتر قالت انه:  في حاجة اسمها "الصورة الوالدية" معناها ان الشاب اما بيتجوز بيبقي صورة من ابوه، فعلى حسب ما شاف ابوه بيعامل امه هو بيتعامل، واتربوا على انهم يعملوا كده على مدار الأجيال.

طبعا في شباب زي الورد مقتنع بكلام الانشاء بتاع: "لو البنت زكية هاتخلي الولد يعمل اللي هي عايزاه من غير ما يحس"... في الحالة دي رأيي ان الولد هايبقى شارب، شخليلة، او الشخص اللي مقتنع بالكلام ده أساسا ماجربش الواقع عامل ازاي وبيقول كلام وخلاص، وماشافش سي السيد وهو بيشخط وينطر لما يحس ان أمينة بتبدأ تخرج عن طوعه...

اللي عايزة اقوله ان دي عادات وأفكار بالية متأصلة في مجتمعنا، يقوللك "الراجل فى مجتمعنا الشرقى يعجب بالمرأة الذكية ولا يتزوجها لان ذكائها يدفعها للتمرد"... فعلا؟؟؟ تمرد ايه يا عم! لا مش صح! انت لو ذكي أصلاً ومتفق معاها وبتحترم فكرها هاتكونوا انتوا الاتنين على نفس الخط، ولو اختلفتم، هاتوصلوا لحل وسط يرضي الجميع لأن كل واحد بيحب ويحترم التاني، لكن تفرض انت رأيك عليها بدون مناقشة وتقول دي بتتمرد، يبقى انت تستاهل اللي يجرى لك! مش ضعف منك انك تستشير شريكة حياتك وتحسسها انها شخصية مستقلة وناجحة ومهمة .. بالعكس، انت كده بتكسبها في صفك اكتر وهاتحبك وتحترمك أكتر!

بصي يا عزيزتي، انتي مش قطعة غيار زي ما قلتلك في الاجزاء السابقة، ولو انتي شايفة انهم هايقولوا عليكي متعجرفة وشايفة نفسك عشان ليكي شخصيتك واستقلاليتك في الحياة، تبقى دي مشكلتهم مش مشكلتك... كوني الشخصية اللي بتحلمي بيها وفكك من الناس، ماتسمحيش لحد يستعبد فكرك أو يحولك لآلة بتسمع الكلام وتنفذ لمجرد انك تعملي سنة الحياة اللي هي الجواز. ماتتجوزيش غير اللي يقدر فكرك وشخصيتك ويحطك فوق رأس عيلته كلها مش بس هو! وبالتالي، لما يشيلك في عينيه، انتي بالتبعيه هاتقدمي له نفس اللي بيقدمهولك وأكتر! حوار بقى ان البنت مهما كانت قوية بتحس انها محتاجة رجل يقودها، يبقى البنت دي مانضجتش تماما فكريا واجتماعيا مهما كان سنها كبير، ومش مستقلة وحاسة انها لسه ناقصها حاجات عشان تبقى شخص كامل مؤثر في الحياة ... لما تتجوزي وتبقي ما تقدريش تعيشي من غير شريك حياتك اوكي، لكن تبقي زي الفل كده وحاسة ان عايزة واحد يجرك وراه؟؟ عيب ياختي استهدي بالله، شوفي حاجة بتعمليها تحسسك بأهميتك في الدنيا!


أخيرا... مش كل الرجالة وحشين و مش كل الستات كويسين .. بس نصيحة ليكي عزيزتي حواء:

لا تـبـحـث عـن شـخـص تـتـمـنـآه فـيـجـعـلـك عـبـداً
بـل إبـحـث عـن شـخـص يـتـمـنـآك فـيـجـعـلك مـلـكاً


وبالبلدي كده، اللي ما يحطكيش كحل ف عنيه ، ما تلبسيهوش شراب ف رجلك...

وللحديث بقية 



تابع سلسلة سي السيد كاملة

Monday, June 27, 2011

ليلة سقوط سي السيد – الجزء الثاني: حملة نشر الغسيل


ليلة سقوط سي السيد 

الجزء الثاني: حملة نشر الغسيل

هل حضرتك فكرت ف يوم انك تحل محل الست والدتك/اختك/مراتك/حماتك/الخ...؟؟

جربت تحس باللي هما فيه؟
جربت تنشر الغسيل وضهرك يتقطم؟
جربت تطبخ؟ عارف يعني ايه تتلسع في الفرن؟
جربت تمسح الارض وانت راكع على ركبك؟
جربت تدعك لامؤاخذة الحمام بالديتول؟
جربت تشيل 20 كيلو خضار من السوق؟
جربت تغير البامبرز للعيال؟
جربت تقوم م النوم الفجر تحضر الأكل للعيال وتحميهم وتكوي هدومهم وتلبسهم؟
لا وكل ده عايزها حضرتك متأنتكة وعلى سنجة عشرة كل يوم
ده باعتبار ان طلاء الاظافر أو بالبلدي المانيكيوووووور اللي هاتحطه مقاوم للمواعين ولا مقاوم للصابون؟
ولا على اعتبار ان شعرها مش هايبوظ من سخونية المطبخ والفرن؟
ولا ان جلد ايدها مش هايقشر من الصابون؟
ولا ان ضهرها على اخر اليوم هايبقى مستحمل يقّلع سيادتك الجزمة ويحط رجلك في مياه سخنة؟

جربت بقى تعمل كل ده في وقت فراغك وكمان تشتغل شغلانة صعبة وتحاول تثبت نفسك؟




عزيزي سي السيد، لو انت مش شايف قد ايه الستات اللي في حياتك الكريمة بيتعبوا من دون كلل ولا ملل، فاعذرني اني اقوللك انك اعمى

ولو انت ف يوم ماجربتش تعمل الحاجات اللي هما بيعملوها عشان تساعدهم وتخفف عنهم يبقى اعذرني اني اقوللك انك ماعندكش احساس


ولو انت شايف ان ده دور الستات عشان انت "مش بتعرف" فأحب ابشرك ان كلنا اتولدنا مش بنعرف اي حاجة في الدنيا واتعلمنا وبقينا زي الفل الحمد لله.. اتعلم واتعب شوية، مش هاتندم

الأنيل بقى لو انت شايف ان ده دور الستات وان انت اتخلقت لهدف اسمى من كده وان ده دورهم في الحياة وانت لا.. يبقى اعذرني اني اقوللك انك مغرور  وشوية كلام وحش تاني .. ربنا ماخلقش حد احسن من حد والشغل لازم يتقسم ع الكل قسمة عادلة.. لأن الستات مش خدامين! دول بني ادمين!


عزيزي سي السيد، في هذا الاسبوع ادعوك فقط انك تجرب تنشر الغسيل.. فقط لا غير، ماتعملش حاجة تاني، مش هاقول لك طبيخ وبتاع عشان انا عارفة ان دماغك مش هاتستوعب العمليات الكيميائية المطبخية دلوقتي.. فقط قول للي عندك في البيت انك هاتنشر الغسيل الاسبوع ده، مشاركة منك عشان انت عندك دم وحاسس باللي هما فيه..

اما بقى لو عندك دراير، وده شيء الستات المصريات مش بيجيبوه لأنهم معتقدين ان الشمس المصرية احسن وبتقتل الجراثيم (انا شخصيا ولا بتفرق معايا الجراثيم بس المهم ضهري مايتقطمش من اطنان الغسيل) ففي هذه الحالة ادعوك عزيزي سي السيد الي غسيل المواعين... لو انت ربنا فاتحها عليك وعندك ديش واشر.. ادعوك لدعك الحلل بسلك المواعين الذي يمتاز بتخشين اليدين.. اما بقى لو بتغسل المواعين بجوانتي او الحلل اللي عندك كلها تيفال مش ستانليس ستيل.. فأدعوك لاستخدام المكنسة الكهربائية للسجاد والاستمتاع بصوتها المزعج والمزيد من قطمة الضهر..لو بيتكم مش مفروش سجاد او ماعندكوش مكنسة كهربائية، يبقى انزل اشتري سجاد وشيله ونفضه بالمنفضة .. وماتنساش تربط دماغك بالقمطة، على رأي بلدياتنا، عشان تحس باحساس البهدلة قدام الجيران...


عزيزي سي السيد المبجل.. خلي عند حضرتك شوية دم واحساس باللي حواليك


تابع سلسلة سي السيد كاملة


Monday, June 20, 2011

ليلة سقوط سي السيد – الجزء الأول: حضرتِك مش قطعة غيار لعربية البيه

ليلة سقوط سي السيد
الجزء الأول: حضرتِك مش قطعة غيار لعربية البيه


استعننا ع الشقا بالله

الاستفتاح: تسقط ثقافة سي السيد ويسقط سي السيد وكل الرجالة اللي زيه

النهاردة كان يوم التدوين والزقزقة على تويتر عن موضوع التحرش الجنسي والعنف ضد المرأة .. وانا بصراحة مكتبتش اي تدوينة عن الموضوع واكتفيت اني اكتب على تويتر لأن يمكن ماكانش عندي الشجاعة الكافية اني اتكلم فيه بصراحة وع البلاطة، ويمكن عشان مكانش في حاجة في دماغي اقولها اكتر من كل اللي الناس قالته

لكن في وسط كل المدونات اللي بتتكتب وكل الناس اللي بتكتب، انا عارفة ان اللي كانت هاتجيب من الاخر هي ايمان، لأنها كتبت عن المواضيع دي كتير، ولأني باتخذها مثل أعلى ليا في الدفاع عن حقوق المرأة والذي منه.. وبالتالي انا قلتلها اني مستنية اللي هاتكتبه عن الموضوع، وفعلا ايمان كتبت البوست الرائع ده
http://thawratalbanafseg.blogspot.com/2011/06/blog-post_20.html  ربنا يخليها.. وبصراحة جاتلي ع الوجعة.. ايون.. جاتلي على الوتر الحساس اللي كنت بديت اكتب عنه قبل كده وماكملتش...

انا ابتديت اكتب عن سي السيد .. الهي ربنا يريحنا منه  ومن أمثاله...وكلام ايمان اداني دفعة اني اكمل اللي عايزة اقوله وافش غلي

هاقتبس من مدونة ايمان: "اللى يعاملك وحش مايستاهلكيش اللى يهينك لا يمكن يكون بيحبك، "الراجل" – مش اى كائن آخر – اما بيحب بيبقى عايز الست تبقى هانم"

أوجه حديثي لعزيزتي حواء.. عمرك كنتي في علاقة مريضة كان فيها بيتحكم فيكي سي السيد وماكنتيش قادرة تفتحي بقك؟ عمرك اتعرضتي للضرب النفسي، بمعنى القهر والكبت، وبرضه ماقدرتيش تفتحي بقك؟؟ عمرك شريكك قاللك اوكي قولي رأيك بس أنا اللي رأيي هايمشي في الآخر عشان انا الراجل وانتي الفليبينية (مع الاعتذار للفليبينيات) ؟؟

دلوقتي جه الوقت انك تبقى حرة من قيود المجتمع وتقولي انتي حاسة بإيه.. تفتحي بقك .. تتكلمي.. تنتفضي.. تثوري.. تنيلي أي حاجة المهم تدي سي السيد فوق دماغه. ليه؟ ببساطة لأن ده اسمه ارهاب فكري وعنف نفسي وده أنيل من العنف الجسدي لأنك مش بتقدري تثبتيه ع الراجل، وهو عمال يقهر فيكي ويذلك، وانتي  بتطاطي تطاطي وتقوليله اديني اكتر انا هاطيعك، ومش بتقدري تفتحي بقك عشان عايزة المركب تمشي... اسمحيلي اقولك.. تغور المركب، خصوصا لو كنتي ع البر ولسه ماتجوزتيش ..

انتي بني ادم عنده احساس ولحم ودم ومش من حق اي بني ادم تاني في الكون انه يسيطر عليكي ويتحكم فيكي، انتي انسانة وليكي كرامتك  واختياراتك في الحياة اللي البيه المحروس لازم يحترمها ورجله ام ريحة وحشه فوق رقبته. في فرق انكم تختلفوا في الرأي وتوصلوا لحل وسط يرضي الكل، وفي فرق انه بيشترط عليكي انه كلامه يمشي بدون جدل كأنه منزل ومنزه عن الخطأ...
اوعي تفتكري ان مش من حقك تتكلمي وتتدافعي عن نفسك، وترفضي اختيارات ضد رغتبك، لا وكمان من حقك تطلبي اللي انتي عايزاه! ايوه صدقيني!! تطلبي اللي انتي عايزاه!!

في بنات كتير بتعيش حياتها مالهاش غير أمل واحد وهو انه تتجوز، يعني كل افكارها وأفعالها بتدور حوالين الرغبة في الجواز.. من أول ثانوية عامة كده تبدأ تتشيك وتستنى الفارس ابو حصان، وتبدأ تدي الفارس ده صلاحيات انه هو اللي يقرر مصيرها وحياتها وهي عايزة ايه وبتعتبر ده نوع من انواع الحب، انها تعتمد عليه وانه يسيطر عليها في كل حاجة من الناحية العاطفية والاجتماعية والمادية.. الخ

شفتي بقى؟ انتي اللي بتديه الصلاحيات دي، وكله باسم الحب... كم من جرائم ترتكب باسم الحب!!! حب ايه ده اللي يخليكي تحسي انك قطعة غيار يشيلك من هنا ويحطك هنا حسب مزاج معاليه؟؟ انتي انسانة
، وغالية قوي كمان، وعندك حاجات كتير حلوة انتي مش واخده بالك منها.. عندك قدرة على العطاء غير محدودة، عندك مواهب وشهادة تشتغلي بيهم تقدري تعيشي وتعتمدي على نفسك... ايوه انتي تقدري تاخدي قراراتك من غير ما تحتاجي لأي راجل ييجي يتحكم فيكي ويخليكي تطاطي راسك ويملي عليكي ايه اللي تعمليه ..

عيشي حياتك، ماتتلهفيش كده ع الجواز وتقولي ظل راجل ولا ظل حيطة.. انا عندي الحيطة اهون من سي السيد وأمثاله.. لازم تستني اللي يستاهلك ويقدرك ويحترمك ويعاملك كما ينبغي ويبقى "شريك" حياتك مش "المسيطر" على حياتك..

اوعي تخلي حد يقررلك حياتك ومصيرك، اوعي تحطي حياتك في ايدين واحد مايستاهلكيش.. دي حياتك انتي، اختيارك انتي، واللي بيحبك هاياخدك كلك على بعضك زي مانتي، من غير ما يغير فيكي، من غير ما يطلب منك انك تنزلي بميعاد وترجعي تديله التمام، من غير ما يمنعك عن اصدقائك عشان مش على هواه، او يمنعك عن أهلك عشان يستأثر بيكي ويحس انه بيمتلك "شيء" مش بني آدم من لحم ودم وعنده إراده!


لو انتي في علاقة مسيطرة من النوع ده، لو سمحتي ارفضي وانهي الموضوع لو انتي لسه ع البر، ولو انتي متجوزة، اعلني العصيان واطلعي للنور، اوعي تكبتي ف نفسك، وسيبك من كلام الناس، ماهي الناس مش هاتبطل كلام في أي حال من الأحوال، بس انتي اللي بتعيشي وبتدوقي وبتحسي، انتي اللي هايتقفل عليكي باب واحد مع الوحش السيد المسيطر ده.. ارجوكي ابوس رجلك ورجل يور فاذر اديله كارت احمر من حياتك الكريمة..

اخيرا.. رسالة الي سي السيد.. لو بتدور على فليبينية، روح اشرب من البحر، بناتنا مش شغالين عندك، مش هايطاطوا، مش هايبلعوا لسانهم، انت ماتستاهلش تعيش على نفس الكوكب.. اتكل على الله وسكتك خضرا..
جاتها نيلة اللي عايزة خلف زي حضرتك