Monday, June 9, 2014

تحرم علينا الحياة #احنا_الصوت




تحرم علينا الضحكة وانتي مش معانا يا ماهي
تحرم علينا العيشة والدم والتعذيب بقوا عادي
تحرم علينا اللقمة وغيرنا مش لاقيها، أو مضرب عنها عشان يخرج ويعيش حر
تحرم علينا نومة ف سرير والمساجين نايمين متكومين ع البلاط
تحرم علينا الهدمة وناس كتير ف الشوارع بردانه
تحرم علينا الفرحة وأم الشهيد بتبكي
تحرم علينا الفسحة والمصاب ف المستشفى أو مقعد ف بيته
تحرم علينا الغربة واللاجئ حتى ماهواش طايلها
تحرم علينا الحياة المرة و في غيرنا بيموت من غير ما يعيشها

تحرم علينا الموتة الكريمة وفي اللي بيموت بمهانة متعذب
تحرم علينا الدنيا باللي فيها
تحرم علينا كلمة انسان واحنا مافيش فينا ريحة الانسانية
ده حتى الهوا يحرم علينا
لأننا مانستاهلش نعيش

No comments: