Saturday, July 27, 2013

ماعنديش عَلَم - الثورة بتاعتي دم

ماعنديش عَلَم انزل بيه المسيرة 
ماعنديش كارت احمر ولا اصفر ولا صفارة
ماعنديش يافطة امسكها
ماعنديش صور أي حد أرفعها


ماعنديش غير ذكريات بوشوش أهالي 
حصر بمصابين
كوتشي اجري بيه 
ولبس اسود
ومناديل
وازازة مياة في الشنطة
وشيكات دم
وارقام محامين ودكاترة واسعاف



ياريتني اعرف انزل مسيرة وارجع اضحك ومبسوطة زي ناس كتير
باستنى كل يوم المسيرة تخلص عشان أعرف الضرب في انهي منطقة

يوم السبت هو يوم الأجازة اللي بنقضيه وسط أماكن مختلفة، مشرحة ومستشفيات.. مع ناس مانعرفهومش


الثورة بتاعتي مش احتفال.. الثورة بتاعتي دم
 لأن الثورة تمنها غالي

No comments: